Hikayat Acan si Bujang Lapuak
Jilid Kaduo
Kato Panganta
Si Acan kiniko alah babini, gala si Bujang Lapuak alah dilapehnyo. Tapi tanyato si Acan kini batambo paniang dapek bini nan lasak.
Samugo hikayat iko dapek manghibua Uda dan Uni sadonyo buek obek latiah pulang karajo. Samugo juo dapek manghibua kawan, bini, gaek atau pacar. Samugo juo dapek jadi obek sia sajo nan mandarito sakik muko cambaruik susah tagalak.
Tarimo kasih buek Uda baduo, Sutan Padang Batuah dan Sutan Rajo Dilangik buek bimbingan baso Minangnyo.
Hak Cipta
Saikua kabau bakubang, sakandang kanai luluaknyo, surang baco kisah si Bujang, sado tagalak mandanganyo.
Tagalak iko ko nikmat nan didapek dari Nan DiAteh. Ambo ndak ba’a do umpamo Uda dan Uni mambagikan hikayat iko ka sia sajo. Tapi barang siapo nan baniek manjual balikan hikayat iko, bakal takutuak tagalak tujuah ari tujuah malam.
Paiton, October 2004.
Budhi Santoso
Sutan Jago Karateh
-----Original Message-----
From: Budhi Santoso
Sent: Wednesday, October 06, 2004 8:23 AM
To: Humala Oloan; Eddi Fernandez
Subject: Malam Pertamo
Sejak ditariak resletingnyo, Acan indak biso lupo samo Romlah.
Tabayanglah maso-maso inyo manyantuah ikuah si Romlah.
Akhirnyo dipinangnyo si Romlah dan tanyato inyo indak batapuak sabalah tangan.
Urang baduo iko akhirnyo basandiang babendi-bendi bagai anak daro dan marapulai.
Banyaklah urang sakampuang datang baralek.
Acan indak saba do manunggu malam pertamo basamo si Romlah.
Esok paginyo, berangkeklah si Asril kaladang, dicaliaknyo si Acan tampak duduak tamanuang sadiah.
Tantu heranlah si Asril kan, ”Onde mande, ba’a lah wa’ang iko, alah dapek bini nan elok masih juo basadiah ? Ba’a carito malam pertamonyo?”
Lalu bacaritolah si Acan soal malam pertamo inyo. “Ambo iko kan suko bana bamain padusi. Nah waktu malam pertamo kemarin, ambo lupo sabana lupo. Satalah salasai pesta mamacah durian, ambo baia bini ambo piti saratuih ribu. Biasonyo tiok kali ambo main samo padusi, harago padusi nan bodinyo macam inyo ko haragonyo saratuih ribu. Ambo sabana lupo tanyato inyo ko bini ambo sendiri.”
Tagalak lah si Asril mandanga kisah malam pertamo si Acan, lalu dinasihatilah si Acan “Sudah lah Can, jangan basadiah, tantu bini wa’ang tasingguang, tapi ambo yakin ndak lamo do, basaba lah sabanta duo tigo hari”.
“Bukan iko do masalahnyo nan mambuek ambo basadiah !!!” kecek si Acan.
“Ha !!?? Lalu apo masalahnyo ..?” bingung lah si Asril.
“Diagihnyo ambo balik pitih limo puluah ribu . . .” kecek si Acan.
-----Original Message-----
From: Humala Oloan
Sent: Wednesday, October 06, 2004 11:46 AM
To: Budhi Santoso; Eddi Fernandez
Subject: RE: Malam Pertamo
He he he.....sabana lawak dan malang bana si Acan.
Samo samo lah urang baduo tuch......Yang laki pamakai dan padusi "bekas" padusi gata....
-----Original Message-----
From: Budhi Santoso
Sent: Wednesday, October 06, 2004 10:45 AM
To: Humala Oloan; Eddi Fernandez
Subject: Rexona
Romlah, bini si Acan, pai ka kedai si Asril.
“Cari apo Uni?” batanyo lah si Asril.
”Iko Bang, ambo paralu Rexona buek bagian bawah,” kecek Romlah sambil mangangkek roknyo manunjuakkan cancuiknyo.
Tantu heran lah Asril kan, “Maaf Uni, alah sapuluah taun ambo badagang, ambo yakin ndak ado do Rexona buek bagian bawah Uni iko. Kalau Rexona buek katiak ambo punyo.”
“Ba’a lah abang ini, bulan lalu ambo bali dikedai abang sini. Caliak lah ko Bang, iko ko barangnyo” kecek Romlah sambil manunjuakkan tampek Rexona kosong.
Tagalak tabahak-bahak lah Asril waktu dicaliaknyo tampek Rexona iko.
”Ha ha ha . . .aduh Uni . ..Iko ko Rexona biaso buek katiak” kecek Asril.
Tasingguanglah si Romlah diolok-olok, ”EH BANG !!!, Masih juo indak parcayo samo ambo, iko ko Rexona buek bagian bawah. Bacolah tulisan dipetunjuak pamakaiannyo”.
Tagalak lai lah Asril, satalah dibaconyo tanyato dipatunjuaknyo ado tulisan babunyi “Untuk pemakaian, tekanlah bagian bawah”
-----Original Message-----
From: Eddi Fernandez
Sent: Thursday, October 07, 2004 8:10 AM
To: Budhi Santoso; Humala Oloan
Subject: RE: Rexona
Iyolah sabana binguaaang si asril maliek kalakuan si romlah………
Di TV dikechekan Rexona tuuu gunonyo untuuaaaak………………..paubeek…
Baskeeettttt………..alias Bauuuu ketek………dan bisa juuuooo untuaakkkk…
Buuuurrrrrkkeeeet ..alias Buuuubuuurrrr………………. eeeeeeeekkkkk………..
Tapii mungkiiiin bisa juuuoooo untuak sakujurrr tubbbuuaaaaahhh ….he…he..he..
-----Original Message-----
From: Budhi Santoso
Sent: Thursday, October 07, 2004 10:11 AM
To: Humala Oloan; Eddi Fernandez
Subject: Bensin
Acan dan Asril kini karajo di Bandar Udaro Tabing, dikuto Padang dibagian pengisian BBM pesawek.
Suatu malam hujan dareh bana, Bandar Udaro sepi ndak ado pesawek nan datang, urang baduo iko jadi santailah ndak ado karajo.
“Hei Sril, dingin bana malam ini, mungkin enaknyo minum kopi angek” kecek si Acan.
“Iyo bana, tapi ambo ndak mambao kopi do. Eh, ambo pernah mandanga kalau bensin pesawek iko biso diminum dan biso membuek badan angek dan kuek” kecek si Asril.
“Iyo bana, ambo pernah mandanga juo. Kecek urang satalah minum bensin pesawek langsuang WUSS !!! WUSS !!! WUSS !!! Sabaiknyo kito coba sajo” ajak si Acan.
Lalu urang baduo iko mambuko kran tanki pesawek nan parkir di dalam hanggar.
Satalah minum duo galeh urang baduo iko pulanglah karumah masing-masing lalu jatuah tatidua.
Esok paginyo, bangunlah si Asril, badan memang taraso angek.
Tibo-tibo babunyilah telpon rumah si Asril, ruponyo iko ko suaro Acan
”Ba’a kaba Sril?” si Acan batanyo.
”Ambo kaba baik, memang sabana lamak bensin pesawek iko, badan ambo angek kuek. Ba’a kaba wa’ang?” kecek si Asril.
”Samo Sril, badan ambo taraso kuek bana. Eh, wa’ang alah kantuik?” kecek si Acan.
“Alun lai ?” tanyo si Asril.
”Wa’ang tahan lah kantuik wa’ang sakuek tanago, jangan sampai takantuik macam ambo..” kecek si Acan.
”Apo masalahnyo” si Asril bingung.
”Ambo kini ado di Pekanbaru . . . ” kecek si Acan.
-----Original Message-----
From: Eddi Fernandez
Sent: Thursday, October 07, 2004 10:34 AM
To: Humala Oloan; Budhi Santoso
Subject: RE: Bensin
Wah……wah……wah…….tolong ditalepon pak suruah minum bensi pasawet duo galon, nantikan bisa kaliling eropah He….he…….he………….
-----Original Message-----
From: Humala Oloan
Sent: Thursday, October 07, 2004 10:28 AM
To: Budhi Santoso; Eddi Fernandez
Subject: RE: Bensin
Hua ha ha....Tarnyato kantuiknya jadi mesin Jet....
-----Original Message-----
From: Budhi Santoso
Sent: Friday, October 08, 2004 10:53 AM
To: Humala Oloan; Eddi Fernandez
Subject: Nasi Kapau
“Bang bangunlah Bang, tadi malam lampu diteras muko putuih, tolonglah diganti “ kecek si Romlah suatu pagi.
“He !! Ambo ko bukan urang PLN !!!, gantilah surang lampunyo” kecek si Acan sambil tidua.
”Bang, minyak tanah alah abih juo, tolong lah bang antar ambo ka pasa ” kecek Romlah.
“He !!! Ambo ko bukan urang PERTAMINA, balilah minyak tanah surang” kecek si Acan sambil tidua.
“Aduh Bang, pipo ai dikama mandi patah pulo, tolong lah bang diganti, ainyo kini banjia kadapua” kecek Romlah lai.
“He !!!! Ambo ko bukan urang PDAM, gantilah piponyo surang” kecek si Acan.
Karana tarusiak tiduanyo, berang lah akhirnyo si Acan lalu pail ah inyo ka rumah si Asril main domino.
Sore hari, pulang dari rumah Asril, takajuiklah inyo mancaliak lampu teras muko alah iduik, dicaliaknyo pipo ai alah tapasang, minyak tanahpun alah tabali.
Heranlah si Acan kan, lalu batanyo lah inyo ka bini tacinto, “Dik, sia nan mamasang lampu, mamasang pipo ai dan mambali minyak tanah, adik surang kah? ”
”Oooh gini bang caritonyo. Waktu abang berang pai ka rumah bang Asril, ambo sadiah manangih kareh di muko rumah. Tak lamo datanglah surang lalaki tampan datang ka ambo. Inyo batanyo manga ambo manangih. Lalu ambo bacaritolah soal lampu putuih, minyak abih dan pipo putuih. Keceknyo, inyo biso bantu tapi ado syaratnyo” kecek Romlah.
“Apo syaratnyo ??” kecek si Acan penasaran.
“Syaratnyo ado duo pilihan, ambo disuruah piliah, mamasakkan nasi kapau untuk inyo atau tidua basamo inyo. “ kecek Romlah.
“Memang adik ko sabana elok, masih adokah nasi kapaunyo, paruik abang lapa bana?” kecek si Acan.
“Nasi Kapau ???? Ambo ko bukan koki SALERO BUNDO !!!! “
-----Original Message-----
From: Humala Oloan
Sent: Friday, October 08, 2004 10:59 AM
To: Budhi Santoso; Eddi Fernandez
Subject: RE: Nasi Kapau
Aduahhh sabana malang..bini alah tidua samo urang pulo.............Awak alah lapa pulo....he he he
-----Original Message-----
From: Budhi Santoso
Sent: Monday, October 11, 2004 4:20 PM
To: Humala Oloan; Eddi Fernandez
Subject: Anak Pertamo
Romlah, bini si Acan, hamil anak pertamo, tantu sanang batua ati si Acan akan mandapek anak.
Acan mandanga ado dukun tamusahuh di desa Sungai Limau nan pandai maalihkan raso sakik dari bundo ka bapak si anak.
Karana sayang samo bini, waktu Romlah akan malayiakan, dibaonyo bininyo ka dukun iko.
Sabalum mulai, si dukun carito biasonyo urang lalaki cumo kuek manangguang saparampek raso sakik urang malayiakan, si Acan satuju.
Lalu si Dukun mambaco jampi-jampi maalihkan saparampek raso sakik si Romlah.
“Ba’a rasonyo Uni ?” batanyo lah si Dukun.
“Iyo bana, raso sakik ambo kini susuik” kecek si Romlah.
“Ba’a rasonyo Uda, sakik kah ?” batanyo lah si Dukun ka si Acan.
“Ndak ado do, ambo cumo bakaringek .” kecek si Acan.
“Wah, bararti wa’ang kuek, biasonyo urang alah batariak-tariak ndak kuek, ba’a kalau ambo tambo lai raso sakiknyo, biar bini wa’ang batambo ringan ?” kecek si dukun, si Acan setuju.
Lalu si Dukun mambaco jampi-jampi maalihkan satangah raso sakik si Romlah.
“Ba’a rasonyo Uni ?” batanyo lah Si Dukun ka Romlah.
“Iyo bana, raso sakik ambo kini susuik lai, lamak rasonyo .” kecek si Romlah.
“Ba’a rasonyo Uda ?” kecek si Dukun ka si Acan.
“Ndak sakik do, ambo cumo paniang saketek . .” kecek si Acan.
“Memang Uda ko sabana kuek, biasonyo urang lalaki nan barani manangguang satangah raso sakik biniyo alah pingsan ndak kuek, ba’a kalau ambo alihkan raso sakiknyo kasadonyo, biar capek lahir anaknyo ?” kecek si Dukun, si Acan satuju.
Lalu si Dukun mambaco jampi-jampi maalihkan sadonyo raso sakik si Romlah. Ndak lamo, layialah si anak.
“Ba’a rasonyo Uni ?” batanyo lah si Dukun ka Romlah.
“Wah Tarimo kasih badan ambo sabana lamak . .” kecek si Romlah.
“Ba’a rasonyo Uda ?” kecek si Dukun ka si Acan.
“Ndak sakik do, ambo cumo tambo paniang . . .”
“Wah, memang Uda ko sabana kuek, urang lalaki nan berani manangguang sadonyo raso sakik bininyo biasonyo alah mati ndak kuek.” kecek si Dukun.
Tantu si Acan sanang dan bangga batua biso manangguang raso sakik bininyo.
Lalu pamitlah si Acan dan si Romlah pulang mambao bayinyo.
Sampai dikampuang, takajuik bana si Acan mandanga kaba si Aslan baru sajo mati . . . .
-----Original Message-----
From: Humala Oloan
Sent: Monday, October 11, 2004 4:31 PM
To: Budhi Santoso; Eddi Fernandez
Subject: RE: Anak Pertamo
Nampaknya takuik bana lah si acan ka manyusul si Aslan.....he he he
-----Original Message-----
From: Budhi Santoso
Sent: Monday, October 11, 2004 6:12 PM
To: Humala Oloan; Eddi Fernandez
Subject: RE: Anak Pertamo
Rupanyo Bapak kanduang si anak pertamo iko si Aslan . . . .bukan si Acan . . .
-----Original Message-----
From: Eddi Fernandez
Sent: Tuesday, October 12, 2004 8:03 AM
To: Budhi Santoso; Humala Oloan
Subject: RE: Anak Pertamo
Ha..ha..ha.. itu namonyo kabau punyo susu, sapi punyo namooo……..
Memanglah nasibnyo si Acan, indak putuih dirundung malannnnngggggg……….
-----Original Message-----
From: Budhi Santoso
Sent: Tuesday, October 12, 2004 8:31 AM
To: Humala Oloan; Eddi Fernandez
Subject: Nostalgia
Waktu bulan purnamo, Acan mangajak Romlah bajalan-jalan nostalgia naiak sapeda motor.
Lalu sampailah urang duo iko di balakang pabrik roti.
”Dik, ba’a kalau awak mangulang kisah duo taun lalu waktu awak masih pacaran ?” kecek Acan.
”Baiklah bang, ambo setuju. . .” kecek Romlah.
Disuruahlah si Romlah duduak diateh paga besi dibalakang pabrik roti iko.
Samo si Acan, diajaknyo si Romlah bagulek lapeh baju lapeh sarawa macam dulu waktu pacaran.
Tibo-tibo si Romlah malompek-lompek taguncang-guncang lah urang duo iko.
Mancaliak bininyo lasak bana, kian semangek lah si Acan malancarkan serangan kan.
Alah dapek duo ronde, akhirnyo urang baduo iko latiah jatuah ka rumpuik.
“Onde mande, abang indak manyangko tanyato adik biso lasak bana macam kudo binal tadi .. .” kecek Acan.
“Iyo Bang, duo taun nan lalu, paga besi iko ndak ado setrum listriknyo . . .”
-----Original Message-----
From: Humala Oloan
Sent: Tuesday, October 12, 2004 10:29 AM
To: Budhi Santoso; Eddi Fernandez
Subject: RE: Nostalgia
Takicuah lah si Acan.....Lamak bana kalo voltase paga tu dinaikkan...suapyo tambah binal si Romlah....he he
-----Original Message-----
From: Budhi Santoso
Sent: Monday, October 11, 2004 10:07 AM
To: Humala Oloan; Eddi Fernandez
Subject: Setaaaannnn ...!!!
Acan pulang karajo tengah malam.
Jalan alah sepi, ndak ado lai angkot nan lewat, manunggulah inyo surang sambil mangantuak.
Lalu lewatlah angkot buruak, lampunyo mati sabalah. Ndak ba’alah daripado manunggu lamo.
Tanyato angkot iko ko kosong, cumo inyo panumpangnyo, duduaklah inyo dimuko basamo si sopir.
Karana mangantuak, tatidua lah inyo.
Ndak lamo bangunlah si Acan, rasonyo ado nan ndak batua.
Alamak, takajuik bana inyo, dicaliaknyo, oto nyo bajalan surang, si sopir alah raib entah kemano.
Onde, takuiklah si Acan kan, tabayang lah carito-carito setan dikampuang inyo.
Dicaliaknyo pulo, disabalah kiri inyo ado kuburan.
Tambo manjadilah takuik si Acan, batariaklah inyo “Tolong ..!! Tolong …!!”
Tibo-tibo ado tangan masuak dari jandelo oto hendak mamagang inyo.
Langsuang batariak kareh lah si Acan,”Setannn !!!! Tolong. . . ado setannnn!!!”.
Basahlah sarawa inyo karana takuik sabana takuik.
Lalu ado suaro, “Panakuik bana wa’ang !!!. Oto ambo iko ko mogok kariang bensinnyo, bantulah ambo mandorong oto . .”
-----Original Message-----
From: Humala Oloan
Sent: Monday, October 11, 2004 10:09 AM
To: Budhi Santoso; Eddi Fernandez
Subject: RE: Setaaaannnn ...!!!
Akhirnyo datang juo..he he....
Ambo tagalak bana kareh saurang wakatu baco alinea tarakhir....
Panakuik bana waang acan...
-----Original Message-----
From: Budhi Santoso
Sent: Monday, October 11, 2004 11:38 AM
To: Humala Oloan; Eddi Fernandez
Subject: Sayembaro
Ado Rajo Tabek mambuek sayembaro.
“Barang siapo barani masuak ka dalam tabek ambo, akan mandapek hadiah sapeda motor”
Banyak kali urang bakumpua ditepi tabek, tapi ndak ado do urang nan berani masuak.
Masalahnyo tabek iko ko panuah dangan buayo, biawak, ular, dan sagala macamnyo.
Karana ndak ado nan berani masuak, si Rajo Tabek manambo hadiahnyo manjadi oto baru.
Tapi masih juo ndak ado nan barani masuak, kasadonyo takuik mancaliak moncong buayo.
Karana masih ndak ado nan berani masuak, ditambo lai hadiahnyo manjadi rumah.
Tapi masih juo ndak ado nan barani masuak. Tibo-tibo si Acan lompek masuak ka dalam tabek.
Kasadonyo urang disinan batapuak tangan basorak sorai mancaliak si Acan dikaja-kaja buayo.
Akhirnyo, satalah duopuluah menit si Acan biso naiak kalua tabek.
Baju dan sarawa takoyak sadonyo, kaki dan tangan padiah luko-luko.
Datanglah si Sutan Rajo Tabek mambao hadiah buek si Acan, tapi si Acan manolaknyo.
“Baiklah, akan ambo tambo hadiahnyo barupo pitih lima ratuih juta” kecek si Rajo Tabek, tapi si Acan manolaknyo.
Sombong kali si Acan ko, pikir si Rajo tabek,”Baiklah, akan ambo tambo hadianyo barupo berlian.”
Tapi Si Acan masih juo manolaknyo.
Lalu batanyolah si Rajo Tabek ka Si Acan, “Baiklah sang juaro, apa nan wa’ang inginkan ...?”
“Ambo ingin urang nan mandorong ambo jatuah kadalam tabek dibao kasiko. . .”
-----Original Message-----
From: Humala Oloan
Sent: Monday, October 11, 2004 11:41 AM
To: Budhi Santoso; Eddi Fernandez
Subject: RE: Sayembaro
Hua ha Awas si Acan baleh dandam
-----Original Message-----
From: Budhi Santoso
Sent: Wednesday, October 13, 2004 10:45 AM
To: Humala Oloan; Eddi Fernandez
Subject: Basaba lah adiak . . . .
Ado saurang tahanan lapeh dari panjaro.
Urangnyo gapuak bak pandeka rambuiknyo tagak, matonyo mambulalak, ado gigi besi tasalek dibaliak bibianyo.
Malam alah laruik, inyo bakuliliang mancaliak tampek sambunyi.
Dicaliaknyo ado pintu rumah tabuko, masuaklah inyo kasinan.
Tanyato iko ko rumah si Acan nan sadang duduak basandiangan jo bininyo sambia mamiciak jirawek.
Onde, takajuik banalah si Acan, mukonyo pucek, bibianyo manggaretek, takuik sabana takuik.
Indak manunggu lamo, si tahanan langsuang mangikek urang baduo nan pucek pasi.
Si Romlah diikeknyo diateh kasua. Si Acan diikeknyo dilantai, ikuahnyo diateh, kapalo dibawah.
Tibo-tibo si tahanan iko mandakek ka Romlah, si Acan indak biso mandanga suaro dari si tahanan.
Dicaliaknyo si tahanan mancium leher bininyo lalu pai lah si tahanan ka kama mandi.
Wakatu si tahanan masuak ka kama mandi, sakatiko si Acan mangecek ka bininyo.
”Adiak sayang, ambo caliak urang iko alah lamo indak manyantuah padusi. Ambo tau dari caronyo mancium leher adiak. Abang iklas kalau adiak tapaso malayani inyo. Nan pantiang bana awak baduo biso salamaik, lalu inyo capek pai. Basaba lah adiak”.
“Aduh bang, tarimo kasih kalau abang biso bapikia baitu. Abang batua, inyo alah lamo indak manyantuah padusi. Tapi bang, sabananyo inyo ko indak mancium leher ambo. Inyo cumo babisiak ka talingo ambo . . .” kecek si Romlah.
“Babisiak ...? Apo kato si tahanan iko ? ” panasaran lah si Acan kan.
”Kecek inyo, abang ko elok dan seksi bana. Inyo batanyo dima ambo simpan hand & body lotion, ambo tunjuakkan tampeknyo dikama mandi. Adiak iklas kalau abang tapaso malayani inyo. Nan pantiang bana awak baduo biso salamaik, lalu inyo capek pai. Basaba lah Bang . . .”
-----Original Message-----
From: Humala Oloan
Sent: Wednesday, October 13, 2004 11:09 AM
To: Budhi Santoso; Eddi Fernandez
Subject: RE: Basaba lah adiak . . . .
Hua ha ha..iyo sabana lawak...tarynato urang tu homo......
-----Original Message-----
From: Budhi Santoso
Sent: Wednesday, October 13, 2004 2:37 PM
To: Humala Oloan; Eddi Fernandez
Subject: Takajuik
Acan pulang karajo tangah malam.
Jalan alah sepi, ndak ado lai angkot nan lalu, manunggulah inyo saurang sambia mangantuak.
Akhirnyodatanglah angkot nan dinanti.
Tanyato angkot iko ko kosong, cumo inyo panumpangnyo, tapi inyo mamiliah duduak saurang dibalakang.
Inyo takuik carito buruak naiak angkot lalu baulang lai.
Lalu bajalanlah oto iko ditangah malam nan sepi.
Daripado sepi, si Acan ingin basobok jo si supir bacurito babagi pangalaman.
Lalu dicubiklah pungguang si supir dari balakang.
Onde mande !!!. Tanyato si supir takajuik bana.
Dek karano takajuik bana, otonyo hampia sajo malantak lapau.
Untuanglah si supir biso manakan rem, salamaik lah urang baduo iko.
Pucek pasilah urang baduo.
Satalah tanang, si Acan mohon maaf ka si supir, lalu batanyo manga inyo takajuik bana wakatu dicubik diajak bacarito.
Kecek si supir, ”Malam ini, baru pertamo kalinyo ambo mambao oto angkot. Nah wa’ang iko panumpang ambo nan pertamo pulo.”
“Apo karajo wa’ang sabalumnyo. Manga wa’ang mudah bana takajuik sarupo tadi ? ” kecek si Acan heran.
”Ambo dulu karajo mambao oto juo, tapi alah sapuluah taun ambo mambao oto alun pana do panumpang ambo mancubik pungguang ambo . .” kecek si supir angkot.
”Oto apo nan wa’ang bao ?. Bus malam atau truk ?” batanyo lai si Acan.
“Oto maik . ..”
-----Original Message-----
From: Humala Oloan
Sent: Wednesday, October 13, 2004 2:45 PM
To: Budhi Santoso; Eddi Fernandez
Subject: RE: Takajuik
Ha ha ha tambah takuik lah Si Acan..apolagi si Supir carito maik....
-----Original Message-----
From: Budhi Santoso
Sent: Wednesday, October 13, 2004 2:50 PM
To: Humala Oloan; Eddi Fernandez
Subject: RE: Takajuik
Si supir lupo, dikironyo si Acan ko maik, tantu takajuik si supir wakatu si maik biso mancubik
-----Original Message-----
From: Eddi Fernandez
Sent: Wednesday, October 13, 2004 2:54 PM
To: Budhi Santoso; Humala Oloan
Subject: RE: Takajuik
Ha…ha..ha Acan…acan memang saba tabedo disanko Acan maik hiduuuuiiikkkk………..
-----Original Message-----
From: Budhi Santoso
Sent: Thursday, October 14, 2004 9:05 AM
To: Humala Oloan; Eddi Fernandez
Subject: Malam minggu
Malam minggu si Asril dapek pacar baru, dibaonyo pai jalan-jalan ka pantai Pariaman.
Disinan pacarnyo mangajak pabuatan maksiat lapeh baju lapeh sarawa.
Tantu si Asril manolak,”Jaan lah adiak, malu lah kalau urang kampuang tau, biso cilako awak kan. . .”
Tapi si pacar mamaso inyo taruih, “Ayo lah bang, ndak ado do urang disiko, dunia punyo awak baduo . .”
Akhirnyo si Asril ndak kuaso lai, iman kuek tapi kamanakan inyo nan ketek ndak kuek do.
Urang baduo ko akhirnyo bagulek diateh pasia pantai dibawah payuang karateh.
Suasano hitam pakek kalam bana ndak ado lampu ndak ado sina bulan.
Tanyato pacar si Asril ko lasak sabana lasak, binal sabana binal.
Alah dapek duo ronde, inyo masih juo mamaso tambo ciek.
Si Asril ndak sanggup lai do malayani si pacar, bapikia inyo ba’a caronyo pai.
Ha !! Inyo dapek akal, “Adiak, ijinkan Abang mambali rokok sabanta. Baiko abang lanjuik bagulek samo adiak . .”
“Iyo Bang, ambo tunggu disiko, jaan lamo, adiak ndak saba do manunggu ronde barikuiknyo . ..” kecek si pacar.
Onde !!! Langsuang larilah si Asril ka jalan rayo. Dijalan rayo basuolah si Asril jo si Acan bajalan muruang.
Batanyo lah si Asril ka si Acan,”He Can, pai kama wa’ang, manga bajalan saurang malam-malam”
Bacaritolah si Acan,”Ambo ko bosan samo bini ambo, ambo ingin mancari padusi buek variasi. Alun lai dapek padusi, mogok pulo sapeda motor ambo, tapaso ambo bajalan..”
“Ha…jangan lah muruang kawan, ambo baru sajo dapek pacar nan elok. Cumo masalahnyo inyo ko sabana lasak sabana binal, ambo alah main duo ronde tapi inyo masih mamaso tambo lai. Ambo ndak sanggup lai do, lalu ambo tinggakan inyo saurang disinan dibawah payuang karateh. Inyo masih manunggu ambo, ambo bapuro-puro mambali rokok supayo ambo biso lari. Kalau wa’ang suko, ambiklah buek wa’ang.” kecek si Asril ka si Acan.
“Memang wa’ang ko kawan sajati, tarimo kasih…tarimo kasih….” lalu pailah si Acan manuju payuang karateh.
Dek karano ndak saba lai, si Acan langsuang malantak si padusi nan indak babusano.
Baru sajo mulai, tibo-tibo datanglah urang kampuang mambao lampu senter bakarumun disakuliliang si Acan dan si padusi.
Berang lah urang kampuang iko mancaliak kampuangnyo jadi tampek pabuatan maksiat kan.
”He !!! Sia wa’ang baduo !!! Manga wa’ang baduo malakukan pabuatan maksiat dikampuang awak ?”
“Mohon ampun dunsanak . .Ambo ko indak babuek maksiat, ambo ko sadang bagulek jo bini ambo saurang . .” kecek si Acan takuik.
“Nan bana lah wa’ang. Kalau memang batua iko ko bini wa’ang saurang, manga wa’ang indak bagulek dirumah wa’ang saurang ..” kecek urang kampuang.
“Masalahnyo, ambo baru sajo tau kalau iko ko bini ambo saurang wakatu wa’ang manyenter muko inyo . . .”
-----Original Message-----
From: Eddi Fernandez
Sent: Thursday, October 14, 2004 9:18 AM
To: Budhi Santoso; Humala Oloan
Subject: RE: Malam minggu
Ha…ha…ha…Acan..lagi…acan lagi…inyo baru mamikiahkan, bininyo lah babuek mesum……
Memanglah samo rusak-rusaklah kaduo urang tuuuu……..
-----Original Message-----
From: Humala Oloan
Sent: Thursday, October 14, 2004 9:31 AMTo: Eddi Fernandez; Budhi Santoso
Subject: RE: Malam minggu
bana yang Uda Eddy kecekkan tuch.....ruponyo samo2 tukang main laki bini....he he he
